जनमत पार्टीका नेता तथा पूर्व मुख्यमन्त्री सतिश सिंहले मधेस प्रदेशसभा सदस्य पदबाट राजीनामा दिएका छन्। उनले आफ्नो राजीनामा मधेस प्रदेश सभामुख रामआशिष यादवसमक्ष बुझाएका हुन्।
सिंहले सामाजिक सञ्जाल फेसबुकमार्फत जानकारी दिँदै, जनमत पार्टीको साधारण सदस्यसमेत नरहने गरी राजीनामा दिएको बताउनु भएको छ।
उनको राजीनामाको मुख्य कारण आगामी प्रतिनिधि सभा सदस्य निर्वाचनमा उम्मेदवारका रूपमा चुनाव लड्न चाहनु भएको हो। यो कदम मधेस प्रदेशको राजनीतिक परिदृश्यमा महत्वपूर्ण मानिएको छ।