शहिदनगरमा आयुर्वेद पतञ्जली योग साधना केन्द्रको नवौं वार्षिक उत्सव सम्पन्न भएको छ।
धनुषाको शहिदनगर नगरपालिका–आधारित आयुर्वेद पतञ्जली योग साधना केन्द्रको नवौं वार्षिक उत्सव २०८२ को अवसरमा विशेष कार्यक्रम सम्पन्न भएको छ।

योग गुरु सुनिल साहको अध्यक्षतामा सम्पन्न कार्यक्रममा मधेस प्रदेशका सभामुख राम अशिष यादव प्रमुख अतिथिका रूपमा सहभागी हुनु भएको थियो।
कार्यक्रममा शहिदनगर नगरपालिकाका नगर प्रमुख दिनेश प्रसाद यादव विशिष्ट अतिथिका रूपमा उपस्थित हुनु भएको थियो भने उपप्रमुख सुनिता सिंह लगायत योग साधक–साधिकाहरूको उल्लेख्य सहभागिता रहेको थियो।
“स्वस्थ रहनका लागि योग आवश्यक, समाज सुधारका लागि ध्यान आवश्यक” भन्ने नारासहित सम्पन्न कार्यक्रममा योगको महत्व, आयुर्वेदिक जीवनशैली तथा मानसिक शान्तिका उपायबारे चर्चा गरिएको थियो।
वक्ताहरूले योगलाई दैनिक जीवनको अभिन्न हिस्सा बनाउन सके व्यक्ति मात्र होइन समाज नै स्वस्थ र अनुशासित बन्ने धारणा व्यक्त गरे। कार्यक्रममा योग साधना प्रदर्शन, प्रेरणादायी मन्तव्य तथा सम्मान कार्यक्रम समेत आयोजना गरिएको थियो।
यस प्रकार, शहिदनगरमा योग र ध्यानमार्फत स्वस्थ समाज निर्माणको सन्देश फैलाउँदै आयुर्वेद पतञ्जली योग साधना केन्द्रको नवौं वार्षिक उत्सव सफलतापूर्वक सम्पन्न भएको छ।