धनुष टिभी,धनुषा ।

प्रतिनिधि सभा सदस्य निर्वाचनलाई मध्यनजर गर्दै धनुषाधाममा निर्वाचन अधिकृतको कार्यालय स्थापना गरिएको छ।
धनुषा जिल्लाको धनुषाधाम नगरपालिका वडा नं. ३ स्थित नगरपालिकाको अतिथि गृहमा निर्वाचन अधिकृत मनोज बरालको नेतृत्वमा ९ सदस्यीय टोली खटिई निर्वाचन अधिकृतको कार्यालय स्थापना गरिएको हो। उक्त कार्यालय धनुषा निर्वाचन क्षेत्र नं. १ का लागि स्थापना गरिएको जनाइएको छ।
निर्वाचन कार्यलाई शान्ति, सुरक्षा र सुव्यवस्थित रूपमा सञ्चालन गर्न सशस्त्र प्रहरी बल (एपीएफ) का ५ जना तथा नेपाल प्रहरीको टोली सुरक्षामा खटिएको छ।
निर्वाचन अधिकृतको कार्यालय स्थापना भएसँगै उम्मेदवारी दर्ता, निर्वाचनसम्बन्धी प्रशासनिक काम तथा अन्य आवश्यक प्रक्रिया सहज रूपमा अघि बढ्ने अपेक्षा गरिएको छ।