धनुषा। धनुषाको सहिदनगर नगरपालिका–१, कुम्भकरणस्थित दुर्गा मन्दिरमा नगर प्रमुख दिनेश प्रसाद यादवले दसैँको अवसरमा नगरवासीलाई टीका र जमरा लगाइदिनुभएको छ।
दुर्गा भगवतीको पूजाआराधनापछि आयोजित कार्यक्रममा स्थानीयवासीको उल्लेख्य उपस्थिति रहेको थियो। सो अवसरमा नगर प्रमुख यादवले नगरवासीको सुस्वास्थ्य, दीर्घायु, सुख, शान्ति, समृद्धि तथा उत्तरोत्तर प्रगतिको कामना गर्नुभएको थियो।